يوميات شاب نفسه في كوتش اديداس!!!

انا حبيت اخدلى راحة كدة فى وسط المذاكرة( ادعولى يا رب)

و أكتب عن موضوع مضايقنى من شهور..لا من سنين::



من زمان انا كنت فى ابتدائية(مش من زمان أوى يعنى)

و طبعا كانت أيام السذاجة و أنا و صحابى كان كل عالمنا يدور حول المصروف.. (1 جنيه كل يوم) و السندوتشات

..و الهوم وورك(الواجب يعنى)

و فجأة كدة سمعنا عن واحد باباه جابله جزمة ب500 جنيه (ماشاء الله يعنى)

طبعا أنا صعقت:واه يابوي!! ايه الشىء العجيب اللى ب500 جنيه دة؟؟

دة قد مصروفى طول حياتى

هل هى جزمة عادية زى اللى بنلبسهم و لا جزمة جاية من الفضاء (كنت باقرأ ميكى ماوس كتير)

قولت اقول للحاج يجبلى واحده طبعا انا تخيلت الموقف فى ذهنى الاول انى بقوله:

الراجل مرتبه كله 500 جنيه

انا : بابا بابا::

بابا: نعم يا ياحبيبى::

انا : عايز الجزمة دى::

البابا: حاضر::

البائع: خمسميت جنيه يا حضرت

البابا: اتفضل ورقة ب1000 جنيه..و خلى الباقى عشانك:

و طبعا هلكت من الضحك

و ماقلتش عالموقف دة لأهلى عشان ماجبلهمش صدمة

المهم بعد ماسألت اصحابى عن الأديداس دى ضحكوا عليا و قالولى: انت من القرن ال19 ولا ايه؟؟
دى جزمة كوتش رياضية زى اللى بيلبسها سيلفستر استالون فى الفيلم اللى بيضرب فيه الناس
انا قلت:ماهو فى كل الأفلام بيضرب الناس..مش موضوعنا..مالها الاديداس دى بقى؟:
قاللى بكل فخر :دى أقل حاجة عنده ب500 جنيه..دة حتى الشراب عند ب30 جنيه:
انا:شراب ب30 جنيه!!! ايه دة هما أخيرا اخترعوا الشراب السحرى اللى بيطلع ريحه حلوه؟؟
و صممت أعرف المحل العجيب دة بيبيع ايه بالضبط
رحت مع صاحبى و لبسنا لبس العيد أحسن شكل المحل دة مش بيروحه الا الوزراء..

بصيت على الفاترينة أحسن حد يفتكر ان أحنا عايزين نشترى حاجة لا سمح الله

لقيت جاكتات و بنطلونات رياضية حسيت انى فى النادى: مش فى محل.و المهم ان أقل حاجة تتلبس
عنده ب500 جنيه...فيها ايه زيادة عن الملابس العادية معرفش
صاحبى:بص الجزمة دى كدة:

انا:مالها يعنى:":

قاللى: دى حلوة أوى

و بعدين لقيت عليها تخفيض قلت أخيرا خلوا الأسعار معقولة..لقيتها ب300 جنيه...لا رخيصة دانا أجيبها من مصروفى:
روحت البيت و سألت واحد قريبى ؟؟؟ طب ايه مميزات الجزمة دى بالضبط
قولتله ::: يعنى ممكن البسها وانام بيها واظبطها على 7 واصحى الصبح القيها ودتنى المدرسه؟؟

قاللى:دى جزمة جامدة أوى...بتعمر و تعيش يعنى ...

انا:زى كريازى كدة؟؟::

قاللى:بس يا بنى انت ..دى ممكن تقعد سنين من غير ما تبوظ

انا:طب ما فيه جزم كتير بتقعد سنين من غير ما تبوظ::

قولتله طيب لو رايح تخطب هتلبس ايه ؟؟

قاللى اديداس طبعااااا ... لانه شيك

قولتله والعروسه ياعم ؟؟؟

قاللى هجيبلها فستان من اديداس

قولتله اه اكيد الفرح هيكون فى ملعب صح ؟؟

بصلى ومردش عليااا

صممت اشترى واحده قبل الامتحان يمكن تنجحنى ولا حاجه

و قعدت مسكت الالة الحاسبة و قعدت أحسب (ماحدش يقول عليا بخيل):-

لو مثلا الجزمة العادية ب60 جنيه..فرضا الواحد جاب جزمتين كل سنة ب 120 جنيه

فى4 سنين مثلا يبقى 480 جنيه..يعنى

انا كدة ممكن افتح محل جزم و لسة ما حصلتش تمن جزمة واحدة اديداس:
واخيراااااااااا بعد معاناه قلت مش جااااااااااااايب

ده حتى اللى جابوها من 50 سنه لسه لابسنها ال ايه ازاى يرميها وهى بــ 500 جنيه


دى كل الحكاية مع اديداس

اللى اى كوتش بــ 50 جنيه برقبته وبيجيب اجوان فى المطشات لوحده
واسالونى انا

منقووووووووووووووووووووووول لعيونكم بس