كلمتك عدت بكيفي لا تحسبنها شطارة..

كلمتـك عـدت بكيفـي لاتحسبنهـا شطـاره ..
والله انـي مانويـت اجـازي السيـه.. بسيـه
ولانويت اقسى عليـك وانـت ماعنـدك جسـاره
وش لك اتكثـر حطبهـا دام مالـك مقدريـه؟؟
من عرفت العلم واسمع بالخبـل هرجـه دمـاره
وانت ثبت المقوله ميـةٍ فـي صف ميـه
ليتـك اللـي ماتكلـم واحتفـظ بقصـى قـراره
ولافتشت علومـك اللـي عرضتـك المهمهيـه
هيه شبـت نارهـا والنـار مبداهـا شــراره
وانت مثـل اللـي تهبـد جوفهـا والنـار حيـه
عندنا للخبـل منهـا ميسـم(ن) ينطـق حـراره
نلحـق بعلبـاه كيـه ولاصـرخ زدنـاه.. كيـه
انصحه نفرح ابشوفه .. وان غدا..ماهي خساره
ماهو بغلا طروش جدي وروحة(ن) من غير جيه
بس انا عندي نصيحه خذها من باب (الاعـاره)
لا تعـزوا دام مالـك لاشــداد .. ولامطـيـه
جيت يمـي بالقشـر وابـلاك ربـي بالقشـاره
والا انـا مارضـى الاهانـه لاعليـك ولاعليـه
حاشم(ن) نفسي وحشم اللي حشمني في وقـاره
واحد(ن) لاجـاك فـازع ياسعـد منهـو خويـه
واحد(ن) حافظ مقامه ولا إلتفت في بنـت جـاره
وان نصيتـه بالهديـه قـال تبشـر بالعطـيـه
ذاك لو تعطـي يمينـه مـادرت عنهـا يسـاره
اجودي(ن) مايجالـس كـود نـاس(ن) اجوديـه
كل رجل وله ميول .. وكل نجـم(ن) لـه مـداره
وكل سيف(ن) له جفيره من عصـور الجاهليـه
والرجال اشكال وادري عرفهـم مثـل التجـاره
بعضهم يغنيك عرفه .. وبعضهـم لارحـم حيـه
والزمن نفـس الزمـان ولاتغيـر فـي مسـاره
الاوادم هي تغير طبعهـا صبـح .. وعشيـه.!!
بس انا باخر كلامي بختـم اب هـاذي العبـاره
(الاصابـع فـي يدينـا لاحشـى ماهـي سويـه